Obxectivos específicos
- Axudar aos Centros Culturais Parroquiais no mantemento dos seus gastos correntes, especialmente ante o incremento do prezo das enerxías (luz, combustible, etc.).
- Aplicando o principio de igualdade e non discriminación por razón de sexo, vaise ter en conta a composición das xuntas directivas a fin de conseguir que a igualdade entre homes e mulleres sexa real e efectiva.
Persoas beneficiarias
Poderán solicitalas os centros culturais parroquiais do termo municipal de Redondela que se atopen constituídos en forma e debidamente legalizados e que reúnan os seguintes requisitos:
- Ser unha entidade sen ánimo de lucro.
- Estar inscritos no Rexistro Municipal de Asociacións cunha antigüidade mínima de 1 ano.
- Desenvolver actividades para toda a veciñanza e de xeito permanente durante o ano.
- Ter debidamente xustificadas as subvencións concedidas en anteriores convocatorias.
- Ter o domicilio social e o seu ámbito de actuación no concello de Redondela.
- Contar cunha sede ou local público da súa titularidade, alugada ou cedida polo concello.
Ditos centros deben cumprir, polo menos, dous destes criterios:
- Ser un lugar a disposición de uso de toda a veciñanza e asociacións.
- Ser o lugar de realización de xuntanzas de colectivos da parroquia (montes, augas, comisións de festas, etc.).
- Ser o lugar de realización de actividades de participación veciñal durante todo o ano.
Contía das subvencións
O crédito global dispoñible é de 40.000,00 euros con cargo á partida 9241A4890001 do orzamento vixente.
Gastos subvencionables
Admitiranse os recibos pagados entre o 1 de xaneiro de 2026 e a data de xustificación por:
- Seguro de danos e responsabilidade civil do edificio.
- Renda de aluguer do local.
- Electricidade, gasóleo de calefacción, subministración de auga ou calquera outra enerxía necesaria.
- Alarma.
Gastos non subvencionables
Quedan excluídos os gastos de investimentos (obras e compras de bens inventariables), cantidades pagadas ao concello polo uso de instalacións ou taxas, actividades formativas ou culturais xa subvencionadas polo concello, xuros bancarios, recargas, sancións, viaxes de lecer, excursións, festas populares ou gastronómicas, edición de libros, conferencias soltas e agasallos.
Prazo
O prazo de presentación de solicitudes estará aberto dende o 15 ata 24 de setembro de 2026.
- Orde:https://boppo.depo.gal/web/boppo/detalle/-/boppo/2026/09/08/2026066386
- Contacto e información adicional: Podes consultar na web municipal (http://redondela.gal), no teléfono 986 400 300 ou no correo participacioncidada@redondela.gal.
- Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
