Obxecto
Esta convocatoria ten por obxecto a concesión, en réxime de concorrencia competitiva, de axudas dirixidas ao financiamento de feiras e festivais industriais e comerciais que promova o desenvolvemento empresarial que se realicen entre o 1 de xaneiro ao 1 de outubro de 2024.
Beneficiarios
Poderán acceder a estas subvencións:
- As entidades sen ánimo de lucro inscritas no Rexistro Municipal de Asociacións (RMA).
- Fundacións e institucións de dereito público.
- Entidades de dereito privado.
Requisitos
- Que a sede social estea en Vigo.
- Que a feira se celebre en Vigo.
- As entidades sen ánimo de lucro deberán estar rexistradas no Rexistro Municipal de Asociacións, antes de que se abra a convocatoria.
- Que o seu obxectivo ou finalidade coincidan coas da base da convocatoria.
- Que dispoñan dunha estrutura suficiente para garantir o cumprimento dos obxectivos propostos e acreditar a experiencia e capacidade necesaria para acadalos.
- Para subvencións por importe superior a 30.000 €, as persoas físicas e xurídicas con ánimo de lucro, deberán acreditar o cumprimento dos pagos .
Gastos Subvencionables
Subvencionarase aqueles gastos comprendidos entre o 1 de xaneiro ao 1 de outubro de 2024 para organización de feiras comerciais como:
- Coordinación do evento (convocatoria, rexistro de asistentes e protocolo).
- Aluguer de instalacións necesarias para a feira.
- Rotulación, sinalización, iluminación, megafonía e servizos audiovisuais.
- Persoal necesario para ao evento.
- Elementos e dispositivos de apoio técnico que garanticen a accesibilidade de todas as persoas ao evento.
- Promoción e publicidade.
- Plans de evacuación e autoprotección.
Criterios de Valoración
Os criterios a valorar dos proxectos serán:
- Calidade do proxecto (límite 82 puntos).
- Experiencia e antigüedade (límite 10 puntos).
- Número de asistentes previstos (límite 10 puntos).
- Achega de recursos propios (límite 8 puntos).
- Impacto da feira na cidade de Vigo (límite 20 puntos).
Na seguinte ligazón poderás ver en profundidade o método de asignación de puntos.
Contía
O orzamento total destas axudas é de 205.000 €. O importe da subvención non poderá superar o custo da actividade e a axuda non excederá os 100.000 €.
Prazo
Ata o 27 de agosto de 2024.
Máis Información
Consulta as Bases reguladoras das subvencións para a organización de feiras e festivais industriais e comerciais con sede en Vigo que fomenten a contratación de persoas en situación de desemprego 2024.
Código de procedemento: BDNS:779404
Para calquera información a maiores sobre esta convocatoria ou se precisas axuda na tramitación podes poñerte en contacto co noso Departamento de Apoio ás Asociacións chamando ao teléfono 986 42 33 66.
O contido desta presentación ten unicamente fins informativos; en ningunha circunstancia o contido desta publicación poderá substituír a información proporcionada nos documentos oficiais.
