Co obxectivo de promocionar os principios e valores da economía social entre a cidadanía, nesta ocasión con especial atención á figura do cooperativismo posto que é o ano internacional das cooperativas, celébrase esta feira como Espazo de difusión e encontro que ofrecerá un lugar onde coñecer e interactuar coas entidades de economía social da nosa contorna.
Vigo prepárase para vivir unha xornada especial que reunirá a máis de 17 entidades da economía social. O encontro contará con postos de venda e exposición, música en directo,oferta gastronómica e actividades lúdicas para público de todas as idades, nun ambiente festivo e participativo.
A Feira #ESDOMAR busca dar visibilidade á economía social e fortalecer o tecido asociativo, promovendo a colaboración, o consumo responsable e o desenvolvemento local. Será unha oportunidade para coñecer de primeira man proxectos baseados en valores de solidariedade, sostibilidade e compromiso coa comunidade.
- Data: sábado 4 de outubro
- Lugar: Lonxa de Canido (Vigo)
- Horario: de 12:00 a 20:00 h
Todas as actividades e actuacións son de balde e están pensadas para gozar en familia ou con amizades.
A participación en ESDOMAR é gratuíta e a través dela pódese amosar ao mundo a contribución a unha economía máis xusta, solidaria e sostible. A Feira conta con distintas opcións para participar:
- Postos para mostrar e vender teus produtos ou servizos
- Exposicións para amosar o teu traballo
- Faladoiros para compartir iniciativas, inspirar e xerar debate
- Espazo para tecer redes con outras entidades afíns
As entidades de economía social que queiran participar poden solicitar a través do seguiente enlace.
Máis información: visita a web www.fundamar.org
