#Andaina
Andaina Nocturna de Castro Barreiro (2026) en Salceda de Caselas
Nova edición da andaina nocturna que se levará a cabo en Castro Barreiro, municipio de Salceda de Caselas, o sábado 19 de setembro a partir das 20:30 horas. A andaina será de 8 quilómetros e terá diversas probas que deberán superar os participantes. Ao termo do percorrido entregarase un xamón como premio. O punto de partida da andaina será desde o CCS Castro Barreiro. O prezo de inscrición ascenderá a 6 euros.
IV Andaina Terrorífica de Coruxo (2026) en Vigo
A comparsa Os Imprescindibles organiza a IV Andaina Terrorífica, un evento deseñado só para valentes que se celebrará o sábado 19 de setembro ás 21:30 horas no Torreiro de Festas de San Sebastián, situado en Fragoselo-Coruxo. O prezo da entrada é de 8 euros por persoa e a actividade desenvolverase en grupos dun máximo de 15 integrantes.