Esta subvención busca axudar ás asociacións que facilitan a conciliación das familias, infórmate aquí!
OBXECTO
O Plan Corresponsables ten como obxectivo facilitar a conciliación das familias con menores ao seu cargo de ata 16 anos mediante a creación de bolsas de coidado profesional. Ademais, pretende promover a creación de emprego de calidade no sector dos coidados e fomentar a corresponsabilidade entre mulleres e homes nas tarefas domésticas e de coidado.
BENEFICIARIOS
Poderán ser beneficiarias das subvencións previstas neste procedemento (SI436B)as entidades de iniciativa social sen ánimo de lucro que cumpran os requisitos, condicións e obrigas previstos nesta convocatoria e na normativa xeral de subvencións e en particular, os seguintes:
- Estar inscritas no Rexistro Único de Entidades Prestadoras de Servizos Sociais (RUEPSS).
- Ter domicilio social ou delegación en Galicia.
- Carecer de ánimo de lucro.
Requisitos adicionais:
- Dispoñer dun plan de prevención de riscos laborais, conforme á Lei 31/1995, do 8 de novembro
Exclusións:
- Non encontrarse en ningunha das circunstancias e prohibicións establecidas nos número 2 e 3 do artigo 10 da Lei 9/2007, do 13 de xuño.
- Non ser sancionadas, en virtude de resolución administrativa ou sentenza xudicial firme, pola comisión de infraccións graves ou moi graves en materia de prevención de riscos laborais no ano anterior a esta orde.
- Non ser obxecto de sanción por resolución administrativa firme ou condenada por sentenza xudicial firme por levar a cabo prácticas laborais consideradas discriminatorias pola lexislación vixente, salvo cando se acredite cumprir coa sanción ou a pena imposta e elaborar un plan de igualdade ou adoptar medidas dirixidas a evitar calquera tipo de discriminación laboral entre mulleres e homes.
ACCIÓNS SUBVENCIONABLES
Consideraranse subvencionables as actuacións orientadas a facilitar a conciliación das familias con menores ao seu cargo de ata 16 anos mediante a creación de bolsas de coidado profesional. Estas actuacións deben promover a creación de emprego de calidade no sector dos coidados e fomentar a corresponsabilidade entre mulleres e homes nas tarefas domésticas e de coidado.
CONTÍA
A contía máxima da axuda por entidade será de 35.000 euros segundo a tipoloxía das accións .
PRAZO
Dende o 7 de febreiro ata o 7 de marzo
Máis información
Consulta a
Máis concretamente no CAPÍTULO III
Acceder ao procedemento de tramitación:
- Código de procedemento
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Servizo de Asesoramento a Emprendedores (SAE), chamando ao teléfono 986 42 33 66.
O contido desta presentación é só para fins informativos; en ningunha circunstancia o contido desta publicación poderá substituir a información proporcionada nos documentos oficiais.
