Obxecto
Axudas para a organización de festivais ou certames musicais e teatrais de prestixio que teñan lugar na provincia de Pontevedra, que lles dediquen especial atención á programación e á difusión da música e do teatro galegos, ademais doutras variantes artísticas, e que se levasen a cabo como mínimo en tres edicións consecutivas nos últimos catro anos.
Entidades beneficiarias
Poderán solicitar estas subvencións as asociacións que reúnan os seguintes requisitos:
- Carecer de fins de lucro.
- Ter o domicilio fiscal na provincia de Pontevedra.
- Estar inscritas no Rexistro de Asociacións da Xunta de Galicia no ámbito territorial da provincia de Pontevedra.
- Desenvolver a actividade principal no ámbito territorial da provincia de Pontevedra.
- Non estar incursas en ningún dos supostos de incapacidade ou incompatibilidade para percibir subvencións públicas.
- Non estar incursas en ningunha das prohibicións para percibir subvencións recollidas na lei.
- Estar ao corrente das obrigas tributarias coa Seguridade Social, coa Axencia Estatal de Administración Tributaria (AEAT), coa Axencia Tributaria de Galicia (ATRIGA) e coa Deputación de Pontevedra.
Requisitos das accións subvencionables
Establécense dúas modalidades de actuación dentro desta convocatoria:
A. Para a modalidade de festivais musicais, estes deberán cumprir os seguintes requisitos:
- Levarse a cabo entre o 1 de xaneiro e o 31 de decembro de 2024.
- Ter unha duración mínima de dúas xornadas e un mínimo de oito grupos.
- Contar coa participación dun mínimo de catro grupos galegos que interpreten obras en galego ou de autoría galega.
- Levar un mínimo de catro edicións consecutivas antes da convocatoria destas bases, coa excepcionalidade do ano 2020, polas circunstancias ocasionadas pola COVID-19.
- Incluír na programación actividades paralelas de posta en valor do sector musical galego ou de formación musical.
- Empregar a lingua galega na comunicación nos diferentes soportes e no desenvolvemento das actividades paralelas, sen prexuízo do uso doutras linguas oficiais.
B. Para a modalidade de festivais de artes escénicas:
- Levarse a cabo entre o 1 de xaneiro e o 31 de decembro de 2024.
- Ter unha duración mínima de dúas xornadas e un mínimo de oito compañías.
- Contar coa participación dun mínimo de catro compañías galegas ou que poñan en escena obras de autoría galega e empregar a lingua galega nas súas representacións.
- Levar un mínimo de catro edicións consecutivas antes da convocatoria destas bases, coa excepcionalidade do ano 2020, polas circunstancias ocasionadas pola COVID-19.
- Incluír na programación actividades paralelas de posta en valor do sector teatral galego ou de formación.
- Empregar a lingua galega na comunicación nos diferentes soportes, sen prexuízo do uso doutras linguas oficiais.
Gastos subvencionables
- Infraestruturas e espazos para as actuacións.
- Contratación de servizos técnicos e profesionais.
- Xestión de concertos e espectáculos.
- Edición de publicacións.
- Comunicación e prensa
- Gastos de publicidade e difusión
- Cachés de grupos, artistas e compañías.
- Gastos de implantación de medidas de seguridade hixiénico-sanitarias e laborais.
Todos os gastos subvencionables deberán pagarse antes de finalizar o prazo de xustificación. En ningún caso se admitirán gastos cuxos prezos sexan superiores aos do valor do mercado.
Contía
A concesión das subvencións estará suxeita á dispoñibilidade orzamentaria para o período comprendido entre o 1 de xaneiro e o 31 de decembro de 2024. Estas convócanse con cargo á aplicación 24/330.3340.489.05 do Orzamento da Deputación para o ano 2024 por un importe total de cento sesenta e cinco mil (165.000,00) euros.
A axuda para apoiar o desenvolvemento e a organización de festivais e certames de artes escénicas e musicais na provincia de Pontevedra non poderá superar o 75 % do orzamento presentado para a súa realización.
Non serán subvencionables
- Quedan excluídas desta convocatoria e, polo tanto, non serán obxecto de subvención as actividades subvencionadas no mesmo exercicio a través doutras convocatorias de subvencións ou plans provinciais da Deputación, coma festivais e certames organizados por bandas de música, asociacións e grupos folclóricos, rondallas, agrupacións e masas corais.
- Os gastos ordinarios de funcionamento e mantemento da entidade e funcionamento ordinario da promotora ou promotor, tales coma alugueiros de locais, gastos financeiros, licenzas, impostos, asesoría legal ou consumos ordinarios (electricidade, gas, auga), entre outros.
- Os gastos de soldos, salarios ou calquera outro tipo de retribución ou remuneración, seguros sociais ou retencións de impostos da promotora ou promotor, se é persoa física, ou das persoas pertencentes á entidade promotora do festival.
- O investimento ou a adquisición de material ou equipos que supoñan un incremento do patrimonio de quen o solicitase.
- Os gastos protocolarios de festas, cócteles, degustacións gastronómicas ou outros eventos similares.
- Os gastos excluídos no artigo 23 da Ordenanza xeral de subvencións da Deputación de Pontevedra.
Criterios de valoración
A concesión das subvencións realizarase en réxime de concorrencia competitiva; para a adxudicación teranse en conta os seguintes criterios.
E valoraranse os resultados da edición anterior xunto coa valoración deste ano 2024.
Prazo de presentación de solicitudes
O prazo de presentación de solicitudes comezará o 25 de abril de 2024 e rematará o 24 de maio de 2024.
Máis información
Acceso ó proceso de tramitación:
Código de procedemento: 716003
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Departamento de Apoio ás Asociacións, chamando ao teléfono: 986 42 33 66.
O contido desta presentación é só para fins informativos; en ningunha circunstancia o contido desta publicación poderá substituir a información proporcionada nos documentos oficiais.
