Quen somos?

O Portal Asociacións MAIV é un espazo de colaboración destinado ás entidades e asociacións que forman parte activa do tecido social da Mancomunidade da Área Intermunicipal de Vigo e a súa contorna. Este proxecto xurde do traballo realizado polas persoas participantes do Obradoiro Dual 2022 das especialidades de Dinamización Comunitaria e Xestión de Marketing e Comunicación

Os obradoiros buscan proporcionar ás persoas participantes, diversas estratexias para o ámbito laboral. A través da formación desenvolven proxectos que logo materializan na realización de obras ou de servizos de utilidade pública ou interese social. 

Un dos proxectos desenvolvidos pola especialidade de Dinamización Comunitaria, foi a creación e posta en marcha dunha ferramenta destinada á promoción e fortalecemento do tecido asociativo. Así naceu esta web colaborativa: pretende ser un punto de encontro para acompañar ás persoas na creación dunha asociación; e tamén, un espazo facilitador no que promover a xeración de novos proxectos, e o fomento da interacción entre as entidades participantes. 

Este camiño resultou sumamente enriquecedor. As dinamizadoras comunitarias tivemos a oportunidade de coñecer, contactar e documentar a rede de asociacións que conforma o territorio da MAIV. Con este material e os nosos recursos profesionais, planificamos e elaboramos esta proposta: un Portal co propósito de xerar sinerxias entre persoas e entidades comprometidas co fortalecemento da nosa rede.

Para iso, nesta web colaborativa compartimos servizos e recursos tales como: