Calendario de eventos

Últimos eventos pasados

Eifonso Trail 2026

O monte vigués de Beade e Bembrive será, un ano máis, escenario do Eifonso Trail, unha das citas de referencia do trail running na cidade olívica. A proba, organizada en torno ao Centro Cultural Helios, mantén o seu percorrido característico entre sendeiro e monte, pero incorpora esta temporada unha novidade que marca a diferenza: a carreira disputarase integramente en horario nocturno. A organización deseñou tres modalidades para adaptarse a todos os niveis. A distancia raíña, TRAIL, propón 16 kilómetros e máis de 800 metros de desnivel positivo por un trazado técnico e esixente, cunha primera metade de ascenso continuo e un tramo final de baixada que promete sorprender aos participantes. Para quen prefira unha experiencia máis curta pero igualmente intensa, MINI TRAIL ofrece 11 kilómetros e 550 metros de desnivel, pensada tanto para corredores con experiencia como para quen se inicia no trail. Completa a oferta a ANDAINA, un percorrido de 9 kilómetros e 400 metros de desnivel que discorre por zonas de menor dificultade técnica, ideal para desfrutar a pé dos montes vigueses sen renunciar ao entorno natural. Lugar: Bembrive, Vigo. Data e hora: sábado 3 de outubro de 2026 en horario nocturno. Inscricións a través da seguinte ligazón.

Redondela, roteiros ambientais e culturais

O Concello de Redondela segue co seu programa mensual de roteiros para dar a coñecer os valores ambientais do concello. Este domingo 27: Ruta "Os Montes de Ventosela" (17:30 - 20:30 h) Información e Inscricións: As prazas son limitadas e con reserva na Oficina de Turismo (Rúa Isidoro Queimaliños), no 986401713 ou turismo@redondela.gal

Andaina Mos-Monte Aloia

Andaina ata o Monte Aloia, cuxo punto de partida estará situado na Asociación de Veciños de Herville. A andaina terá lugar o 27 de Setembro a partir das 09.30 horas, levarase a cabo por camiños forestais e terá un percorrido de 22 quilómetros. Os participantes poderán acudir coa súa propia comida para tomar no Monte Aloia, a organización facilita o transporte de neveiras ata o cumio do Monte Aloia se se entregan ás 09.15 horas na furgoneta municipal disposta no punto de encontro. No alto do monte, a xornada amenizarase con música tradicional, empanadas, auga, roscón e café. O regreso a pé está programado para as 16.00 horas, aínda que quen prefira volver en vehículo privado deberá xestionalo pola súa conta e notificalo ao inscribirse.