Obxecto
O Concello de Vigo concede, en réxime de concorrencia competitiva, axudas dirixidas ao fomento do emprego mediante a celebración de congresos, seminarios, xornadas u calquera outro de igual ou similar natureza de xeito que se cree un punto de encontro entre a comunidade xuvenil, especialmente alumando e persoas recen tituladas, e o mundo empresarial, no que se promova a transferencia de coñecemento sobre o estado do mercado laboral como fonte de mellora da competitividade e impulsar a detección de novas oportunidades, mercados e vías de negocio ou de colaboración, ademais do achegamento do mundo empresarial e a sociedade á mocidade de Vigo.
Beneficiarios e requisitos
Con carácter xeral, poderán acceder á condición de beneficiarios das subvencións as entidades e institucións públicas sen ánimo de lucro, cós seguintes requisitos:
- Que estean inscritas no Rexistro Municipal de Asociacións (RMA), fundacións e institucións de dereito público do ámbito educativo, e teñan como ámbito de actuación o termo municipal de Vigo.
- No caso de entidades sen ánimo de lucro deberán atoparse debidamente inscritas no Rexistro Municipal de Asociacións, con anterioridade ao inicio do prazo de presentación de solicitudes á presente convocatoria.
- Que, conforme aos seus estatutos ou normas reguladoras, teñan obxectivos e finalidades coincidentes cos establecidos nas bases.
- Que dispoñan dunha estrutura suficiente para garantir o cumprimento dos obxectivos propostos e acreditar a experiencia e capacidade necesarias para acadalos.
- Carecer a súa actividade de fins de lucro.
- Que se atopan ao corrente no cumprimento das súas obrigas tributarias coa Axencia Estatal Tributaria (AEAT), coa Axencia Tributaria de Galicia (ATRIGA), co Concello de Vigo e coa Seguridade Social. O/s interesado/s poderá/n autorizar, expresamente, ao Concello de Vigo a consulta e verificación automática do cumprimento de obrigas tributarias e coa Seguridade Social, para o cal achegarán o Anexo IV cumprimentado e asinado electronicamente.
- Que se acompañe á solicitude a documentación preceptiva detallada.
- Non atoparse comprendido en ningún dos supostos recollidos no artigo 13, apartados 2 e 3, da Lei 38/2003, de 17 de novembro Xeral de Subvencións.
- A xustificación por parte dos solicitantes de non atoparse incursos nas prohibicións para obter a condición de beneficiarios realizaráse na forma establecida no artigo 13,7 da Lei 38/2003, de 17 de novembro, e no Título Preliminar, capítulo III, sección 3 do Regulamento da citada Lei Xeral de Subvencións, aprobada polo RD 887/2006, de 21 de xullo.
Gastos subvencionables
Considerase gastos subvencionables, os seguintes:
- Gastos de secretaría técnica do evento: Coordinación do evento, convocatoria e rexistro de asistentes, protocolo.
- Gastos directos dos poñentes, tales como dietas, transporte, aloxamento.
- Gastos de sede e equipamentos coma: alugueiros de locais, salóns, carpas e similares; iluminación, megafonía e servizos audiovisuais; rotulación exterior e interior do evento, paneis e carteis indicativos.
- Gastos de Persoal ao servizo do evento: servizo de azafatas, tradución simultánea, guías turísticos ou similares.
- Gastos de Servizos técnicos e profesionais: imaxe e creatividade do evento e as súas adaptacións, web do evento, plataformas dixitais o virtuais para a súa difusión e/ou emisión, apps específicas para o evento, material promocional en calquera soporte, publicidade, memorias e similares.
Incompatibilidades e concorrencia
Estas subvencións serán compatibles con outras subvencións ou axudas para a mesma finalidade, procedentes de calquera outra administración ou de entes públicos ou privados, nacionais, da Unión Europea ou organismos internacionais.
As entidades beneficiarias deberán comunicar ao Concello de Vigo a obtención doutras subvencións, axudas, ingresos ou recursos que financien a actividade subvencionada.
En calquera caso, o importe total da subvención ou subvencións recibidas non poderá superar o da actividade subvencionada.
Criterios de valoración
Os proxectos ou actuacións que se presenten deberán ser técnica, económica e financeiramente viables, e os criterios de avaliación que servirán de base para a determinación do importe a conceder serán os seguintes:
1.— Calidade do proxecto (máximo 74 puntos):
- Alcance, isto é a capacidade do evento de impacto fora do Concello de Vigo, apoiado por difusión a nivel nacional e internacional. (máximo 10 puntos).
- Duración, entenderase por xornada aos efectos das presentes bases, a correspondente a 5 horas. No suposto de actuacións realizadas ao longo do ano de xeito descontinuo e por períodos de tempo inferiores a xornada establecida o cómputo realizarase mediante a suma da totalidade das horas prevista entre o número de horas dunha xornada (máximo 8 puntos).
- Relación de poñentes (máximo 16 puntos).
- Número de poñentes nacionais.
- Colaboración con outras entidades públicas ou privadas para o desenvolvemento do evento (máximo 10 puntos).
- Actividades complementarias (talleres, mesas redondas, …) (máximo 10 puntos).
- Fomento do voluntariado no evento: 2 puntos.
- Medidas ou accións de inclusión para o fomento a empregabilidade de persoas con discapacidade: 2 puntos.
- Entidades participantes no evento mediante a montaxe de stands e realización de actividades de información e asesoramento (máximo 16 puntos).
2.— Experiencia e antigüidade, acreditada do proxecto (máximo 10 puntos):
- Máis de 3 edicións : 10 puntos
- Entre 2 e 3 edicións : 8 puntos
- Primera edición: 4 puntos
3.— Número de asistentes previstos, tanto no formato offline coma online. Como base requírense os datos históricos de asistentes en anteriores edicións e a estimación diferenciada da presente edición (máximo 10 puntos).
4.— Achega de recursos propios para os gastos xerais de funcionamento e/o equipamento (ata 6 puntos). Entendese por recursos propios aqueles que a entidade destina ao evento obxecto da subvención provenientes dos seus propios presupostos y e que no poderán ser substituídos por achegas doutras entidades nin incluídos nos gastos subvencionables do evento.
A porcentaxe de axuda sobre a inversión subvencionable calcularase en base á puntuación que acade o proxecto presentado segundo se detalla de seguido:
| Puntos | Importe máximo subvención |
| 91-100 | 12.000 € |
| 81-90 | 10.000 € |
| 61-80 | 8.000 € |
| 45-60 | 6.000 € |
| 31-44 | 5.000 € |
| 21-30 | 2.500 € |
| 15-20 | 1.500 € |
Contía
A contía total destinada a estas subvencións para o exercicio orzamentario (2024) do Concello de Vigo é de 31.000,00€ (Trinta e un mil euros), que se imputarán con cargo á partida. 2410 4800013, denominada “Foros de Emprego”.
Os proxectos e actuacións poderán obter unha subvención máxima de 12.000 euros.
O importe da subvención ou axuda, en ningún caso, poderá ser de tal contía que, illada ou en concorrencia con outras subvencións ou axudas, supere o custe da actividade.
Prazo
O prazo de presentación de solicitudes comezará o 27de maio e rematará o de 7 de xuño de 2024.
Máis información
Consulta as Bases Reguladoras para o desenvolvemento de congresos, xornadas, conferencias, seminarios ou foros para o fomento da contratación de persoas en situación de desemprego 2024
Para calquera información a maiores sobre esta convocatoria ou se precisas axuda na tramitación, podes poñerte en contacto co noso Departamento de Apoio ás Asociacións, chamando ao teléfono 986 42 33 66.
