O prazo para inscribirse na nova edición da campaña1 m2 contra o lixo permanecerá aberta ata o 26 de maio para aquelas administracións locais e provinciais, entidades sen ánimo de lucro, empresas, comunidades de montes, asociacións e entidades culturais ou sociais e mesmo familias e grupos de amigos interesados en participar nesta xornada de limpeza e recollida de lixo que terá lugar o vindeiro sábado, 1 de xuño.
Esta iniciativa é unha das accións máis coñecidas do programa Libera, creado por SEO/BirdLife e Ecoembes e co que colabora a Xunta de Galicia, para loitar contra a presenza de lixo na natureza e concienciar á cidadanía sobre esta problemática ambiental.
A través deste chamamento cidadán saímos aos ríos, lagos e encoros do noso país, para tratar de reducir a cero o lixo e o impacto que o lixo abandonado ten nestas contornas.
Xa sexas persoa, organización, institución ou empresa, lembra que tes á túa plena disposición todos estes recursos descargables que están baseados cientificamente e avalados por organismos oficiais.
Para máis detalles como é a inscripción e os pasos a seguir podes consultar a páxina web deste proxecto Libera.
