A finalidade desta axuda é a promoción, visibilización e desenvolvemento da economía social a través de accións de formación, divulgación e asesoramento, fomentando o espírito emprendedor e a creación e consolidación de emprego.
Beneficiarios
Poderán ser beneficiarias, sempre e cando cumpran as condicións e os requisitos establecidos:
- As asociacións de entidades de economía social.
- Os concellos de Galicia, as áreas metropolitanas, as mancomunidades de municipios e os consorcios locais.
- As cámaras de comercio.
- As universidades.
- As fundacións e asociacións, e as organizacións profesionais, empresariais e sindicais.
Requisitos adicionais:
- Con respecto a entidades, asociacións, fundacións e organizacións dos diversos tipos, deberán estar legalmente constituídas e inscritas nos rexistros competentes, así como estar ao día no cumprimento de obrigas referidas ao depósito de documentos e inscrición de acordos nos ditos rexistros.
- As entidades locais deberán cumprir co deber de remisión ao Consello de Contas das das contas xerais de cada exercicio.
- Ter formalizada a súa adhesión á Rede Eusumo mediante a subscrición dun convenio de colaboración coa Consellería de Emprego, Comercio e Emigración.
- Estar ao día nas obrigas tributarias e de Seguridade Social, así como non ter débedas coa Administración pública galega.
- Non figurar ninguna entidade en máis dunha solicitude individual.
Actividades subvencionables
As actividades financiadas deben estar dirixidas á promoción e impulso da economía social, especialmente nos seguintes ámbitos:
- Actividades xerais de promoción da economía social:
- Charlas, xornadas, conferencias e visitas formativas (mínimo 2 ou 4 horas segundo o caso).
- Elaboración e difusión de estudos, informes e materiais didácticos inéditos.
- Celebración de encontros e networking entre entidades de economía social (mínimo 2 horas).
- Asesoramento e acompañamento a grupos promotores ou entidades xa existentes (mínimo 7 horas).
- Formación específica en economía social (mínimo 20 horas e 10 participantes).
- Organización de eventos como feiras, mostras e congresos.
- Actividades en sectores estratéxicos da economía social:
- Economía dos coidados.
- Agroalimentación e produtos locais sostibles.
- Economía circular e xestión de residuos.
- Enerxías renovables e transición enerxética.
- Industrias culturais.
- Aplicación de novas tecnoloxías e intelixencia artificial.
- Transporte e mobilidade.
Contía
A subvención cubrirá ata o 80 % dos gastos necesarios para a realización das actividades.
Límite máximo por entidade beneficiaria: 120.000 € por anualidade (con posibilidade de incrementar ata 70.000 € adicionais se hai remanentes de crédito).
Límites específicos por actividade
Prazo
Dende o 8 de febreiro de 2025 ata o 7 de Marzo.
Máis información
Consulta a (enlace a la orden)
Acceder ao procedemento de tramitación:
- Código de procedemento
O contido desta presentación é só para fins informativos; en ningunha circunstancia o contido desta publicación poderá substituir a información proporcionada nos documentos oficiais.
