Esta orde ten como obxectivo outorgar, en réxime de concorrencia competitiva, axudas para a creación de organizacións de produtores pesqueiros (OPP) e asociacións de organizacións de produtores pesqueiros (AOP) recoñecidas dentro da comunidade autónoma de Galicia.
As axudas outorgaranse para apoiar a creación da organización profesional durante os primeiros cinco anos naturais, a partir do día seguinte ao da recepción da notificación da resolución favorable emitida polo órgano competente.
ENTIDADES BENEFICIARIAS
Poderán ser entidades beneficiarias desta axuda as organizacións de produtores pesqueiros e as súas asociacións, recoñecidas no ámbito da Comunidade Autónoma de Galicia a partir do 1 de xaneiro de 2014
Requisitos:
- Estaren inscritas no Rexistro de Organizacións de Produtores Pesqueiros ou no Rexistro de Asociacións de Organizacións de Produtores Pesqueiros regulados no artigo 8 do Real decreto 277/2016, do 24 de xuño, modificado posteriormente polo Real decreto 664/2023, do 18 de xullo, polo que se regulan as organizacións profesionais no sector dos produtos da pesca e da acuicultura.
- Non teren recibido nos primeiros cinco (5) anos desde o seu recoñecemento o total das axudas para a creación de organizacións profesionais, que se establecen no artigo 6 do Real decreto 956/2017, do 3 de novembro.
GASTOS SUBVENCIONABLES
- Gastos xerados polos traballos preparatorios de constitución da organización e gastos de elaboración da acta constitutiva e dos seus estatutos se for necesario, para axeitarse á normativa que regula as OPP recollidas na OCM, así como os derivados da modificación destes e gastos administrativos asociados. As facturas que xustifiquen este gasto deberán estar emitidas a nome do beneficiario.
- Gastos do persoal: salarios, gastos de formación, cotizacións sociais. Consideraranse os gastos do persoal non imputados ás medidas dos PPeC.
- Honorarios polos servizos ou asesoría técnica contratada para o mellor funcionamento da OPP. Non se incluirán traballos relacionados coa execución e preparación do PPeC.
- Gastos indirectos: aboarase a cantidade acreditada por medio da documentación xustificativa presentada nas seguintes categorías:
- Subministracións (luz, auga, teléfono, gas).
- Gastos de material de oficina e de amortización, ou derivados do arrendamento do equipamento das oficinas.
- Gastos xerados polos medios de que dispoñen as organizacións para o transporte do persoal.
- Gastos de alugueiro ou, no caso de compra, gastos por xuros realmente aboados, e outros gastos derivados da ocupación dos edificios destinados ao funcionamento administrativo das organizacións de produtores.
- Gastos de seguro conexos ao transporte do persoal, aos locais administrativos e ao equipamento destes.
- Gastos relacionados coa obtención de avais necesarios para o financiamento externo de cara á realización dos PPeC.
CRITERIOS DE VALORACIÓN
Para a valoración das solicitudes empregaranse os seguintes criterios: xerais e horizontais ou específicos:
| Criterios | Peso |
| 1. Xerais | 30 % |
| 2.a. Horizontais ambientais e sociais | 20 % |
| 2.b. Específicos de viabilidade técnica e/ou económicos | 20 % |
| 2.c. Específicos de tipo de actividade | 30 % |
CONTIA
O importe final elixible da axuda, por organización profesional e ano, non poderá superar o 1 % da media do valor da produción comercializada pola organización profesional durante os tres (3) anos anteriores á solicitude da axuda, cun máximo de 100.000 euros. Cálculo da axuda
PRAZO DE SOLICITUDE
Presentaciones das solicitudes ata o 11 de agosto de 2025
Máis información
Consulta:
Codigo de procedemento: PE155D
Para calquera información a maiores sobre esta convocatoria ou se precisas axuda na tramitación, pódeste poñer en contacto co noso Departamento de Apoio ás Asociacións, chamando ao teléfono 986 42 33 66.
O contido desta presentación é só para fins informativos; en ningunha circunstancia o contido desta publicación poderá substituir a información proporcionada nos documentos oficiais.
