Obxecto
Definir o conxunto de condicións e o proceso que se seguirá para a concesión de subvencións das axudas a escolas de música dependentes das asociacións sen ánimo de lucro para o ano 2024.
Beneficiarios
Entidades titulares das escolas de música dependentes de asociacións sen ánimo de lucro:
- Que teñan entre os seus obxectivos a formación musical,
- Que estean inscritas no Rexistro de Escolas de Música e Danza da Comunidade Autónoma de Galicia, dependente da Consellería de Educación e Ordenación Universitaria, antes de rematar o prazo establecido para a presentación de solicitudes.
- Que teñan o domicilio fiscal na provincia de Pontevedra.
Gastos subvencionables
- Gastos de persoal (soldos, salarios, Seguridade Social ou mutualidades e IRPF)
- Material de oficina consumible (bolígrafos, lapis, folios, gomas etc.)
- Subministracións (electricidade, auga, teléfono ou internet)
- Reparación e conservación do local (limpeza, mantemento do ascensor ou da fotocopiadora)
- Reparación de instrumentos
- Primas de seguros
- Servizos profesionais (asesoría, xestoría)
- Prevención de riscos ou recoñecemento médico
Non serán subvencionables os seguintes conceptos:
- A adquisición de instrumentos musicais
- A compra de equipos informáticos e de son
- A adquisición de mobiliario
- O desenvolvemento e o mantemento de aplicacións informáticas
- Os gastos propios da banda de música (vestiario, desprazamentos, seguros ou cotas de federacións etc.)
Valoración das solicitudes
A adxudicación realizarase en réxime de concorrencia competitiva e teranse en conta os seguintes criterios:
- Número de alumnos e alumnas matriculados no curso 2023-2024, ata 25 puntos:
| Ata 100 | 10 puntos |
| De 101 a 150 | 15 puntos |
| De 151 a 200 | 20 puntos |
| Máis de 200 | 25 puntos |
- Número de docentes, ata 15 puntos:
| Ata 8 | 8 puntos |
| De 9 a 12 | 10 puntos |
| De 13 a 15 | 12 puntos |
| Máis 15 | 15 puntos |
- Orzamento de gastos da escola de música, ata 35 puntos:
| Ata 20.000€ | 10 puntos |
| De 20.001 a 30.000€ | 15 puntos |
| De 30.001 a 40.000€ | 20 puntos |
| De 40.001 a 50.000€ | 25 puntos |
| De 50.001 a 75.000€ | 30 puntos |
| Máis de 75.000€ | 35 puntos |
- Especialidades impartidas, ata 25 puntos:
| Ata 8 | 10 puntos |
| De 9 a 12 | 15 puntos |
| De 13 a 15 | 20 puntos |
| Máis de 15 | 25 puntos |
Prazo
O prazo de presentación de solicitudes rematará o 30 de setembro de 2024.
Máis información
Código de procedemento: BDNS:779192
Acceso ó trámite: SIA 1662887
Para calquera información a maiores sobre esta convocatoria ou se precisas axuda na tramitación podes poñerte en contacto co noso Departamento de Apoio ás Asociacións chamando ao teléfono 986 42 33 66.
O contido desta presentación ten unicamente fins informativos ; en ningunha circunstancia o contido desta publicación poderá substituir a información proporcionada nos documentos oficiais.
