O Festival
Redondela é un referente internacional que preserva e difunde o teatro de monicreques como patrimonio cultural universal.
Un espazo de convivencia e intercambio onde desfrutar e coñecer outras formas de expresión dramáticas relacionadas.
Queres formar parte do VOLUNTARIADO do Festival?
Estamos na procura de “leña verde” que queira axudar e desfrutar do Teatro,
- Queres ser unha das persoas voluntarias no Festival?
- Apetéceche coñecer a organización dende dentro e aportar o teu entusiasmo?
Ofrecémosche unha oportunidade para convivir e colaborar dunha maneira divertida e comprometida co festival.
Xuntanza formativa/organizativa: sábado 10 de maio (imprescindible asistencia)
Días de voluntariado no festival: 17 e 18 de maio (poderá ser por días)
Labores
Serán axudantes de produción e reixiduría dos escenarios de rúa, desenvolvendo pequenas tarefas como:
- Atención ás compañías e ás súas necesidades.
- Atención ás persoas espectadoras.
Inscríbete
Envíanos un correo cos teus datos a fitvoluntariado@gmail.com
– Inclúe: nome completo, idade (de 16 anos en diante), enderezo e dispoñibilidade, e dinos por que queres formar parte do equipo titiriteiro.
– Recepción de correos, do 2 ao 27 de abril.
Para máis información ou dúbidas: fitvoluntariado@gmail.com
Asociación Xente Titiriteira
