Aínda non fora anunciada, pero xuño estaba marcado no calendario para a confirmación oficial da Festa dos Bares, un festexo que vivirá este ano a súa terceira edición en Mos e que remata de confirmar oficialmente as súas datas deste ano. A cita, que o ano pasado englobouse na Festa da Rosa como Xuntanza Gastronómica, presentará este ano importantes novidades, comezando pola ubicación, xa que pasará dos xardíns exteriores do Multiusos das Pozas, ao Pazo de Mos, ubicación onde se concentraron eventos deste ano da Rosa.
A cita terá lugar o 22 de xuño, por tanto, na entorna do Pazo de Mos, e chegará “cargada de sorpresas”, segundo avanzan xa desde a organización do evento, que promete un ano máis servir de punto de encontro gastronómico e festivo do verán de A Louriña.
Así, na anterior edición a cita contou con 15 establecementos locais que ofreceron aos asistentes diferentes propostas como cachopos, porco ao espeto, salpicón de polbo e langostinos ou lasaña. A cita de 2023 compaxinouse ademáis con actuacións e concertos en directo.
Para máis información vos deixamos a súa páxina web de instagram: https://www.instagram.com/baresmos/
